Кыргыз Республикасынын  Экономика  жана  коммерция министирлигине караштуу монополияга каршы жөнгө салуу кызматынын  Баткен облустук бөлүмүнүн кызматкерлери тарабынан 2024-жылдын  7-март күнү, Бүткүл дүйнөлүк керектөөчүлөрдүн  укуктарын коргоо күнүнө карата Кадамжай шаарында “Кыргыз Республикасынын  Экономика  жана  коммерция министирлигине караштуу  Стандартташтыруу жана метрология боюнча борборунун  Баткендеги  Сыноо, сертификаттоо жана метрология борбору” мамлекеттик  мекемесинде  “Керектөөчү өз  укугуңду бил” деген темада иш чара өткөрүлдү.

  Монополияга каршы жөнгө салуу кызматынын Баткен облустук бөлүмдүн кызматкерлери, “Кыргыз Республикасынын  Экономика  жана  коммерция министирлигине караштуу  Стандартташтыруу жана метрология боюнча борборунун  Баткендеги  Сыноо, сертификаттоо жана  метрология  борбору” мамлекеттик  мекемесинин  адистери  менен  жолугушуу  болуп өттү, жолугушуунун жүрүшүндө кеңири пикир алмашуулар жана суроо жооптор орун алды. Ошондой эле Кыргыз Республикасынын  “Керектөөчүлөрдүн  укуктарын коргоо жөнүндө” мыйзамынын негизинде көрсөтүлгөн, керектөөчүлөр менен даярдоочулардын, аткаруучулардын, сатуучулардын ортосунда пайда болуучу мамилелерди  жөнгө салуу жөнүндө жана монополияга каршы мыйзамдары жөнүндө түшүндүрүү иштери жүргүзүлдү.

Ошондой эле Кыргыз Республикасынын Экономика  жана  коммерция министирлигине караштуу монополияга каршы жөнгө салуу кызматынын  Баткен облустук  бөлүмү тарабынан, 2024-жылдын 15-мартында боло турган Бүткүл дүйнөлүк керектөөчүлөрдүн укуктарын коргоо күнүнө карата облустун башка аймактарында дагы, ушундай иш чаралар өткөрүлөрүн билдирет.