2024-жылдын 15-январында Аба-ырайынын кескин төмөндөшүнө байланыштуу, көмүрдүн баасынын спикулятивдүү жогорулоосун алдын алуу максатында – Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн кызматкерлери жана – “ЭлТР” телеканалынын журналистери менен биргеликте, Талас шаарында жайгашкан көмүр отуну сатылуучу жайларга мониторинг жүргүзүлдү.

Бул иш-чаранын жүрүшүндө көмүр отунун баасына байкоолор жана ишкерлерге түшүндүрүү иштери жүргүзүлдү.

Алсак, бүгүнкү күндө Талас облусунун Талас шаарынын социалдык көмүр отун базасында жергиликтүү көмүр 1 тоннасына – 5900 сомдон, ал эми импорттук көмүр 1 тоннасын – 8000 сомдон сатылып жатканы белгилүү болду. Башка көмүр отун базаларында жергиликтүү көмүр салмагы 1 кг эндей -6,0 сомдон, таңгактоо кызматы менен 1 кг – 6,5 сомго чейин, ал эми импорттук көмүр 1 кг эндей 8,4 сомдон, ал эми каптап бергени – 8,7 сомго чейин сатылып жатканы белгилүү болду.

Мындан сырткары, Кыргыз Республикасынын “Керектөөчүлөрдүн укуктарын коргоо жөнүндө” Мыйзамынын бузулгандыгы аныкталды. Тагыраак айтканда айрым сатуучулар көмүрдүн баасын көрсөтүшкөн эмес, же көмүр көрсөтүлгөн баадан арзан, башкача айтканда дал келбей сатылып жаткан. Талас облустук бөлүмдүн эскертүүсүнөн улам мыйзам бузуучулук жеринде жоюлду.

Бул жүргүзүлгөн иш-чаранын жыйынтыгы боюнча Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн башчысы Б.Р. Токтогулов тарабынан – “ЭлТР” телеканалына маалымат берилди.