Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ысык-Көл облустук бөлүмү тарабынан Каракол шаарында Кыргыз Республикасынын “Жарнама жөнүндө” мыйзамынын талаптарын сакталышы боюнча тышкы жарнамаларга мониторинг жүргүзүлдү. Мониторингтин жүрүшүндө Кыргыз Республикасынын “Жарнама жөнүндө” мыйзамынын 5- беренесинин 3-пунктуна (Кыргыз Республикасынын аймагында жарнама мамлекеттик жана расмий тилдерде жана жарнама берүүчүлөрдүн каалоосу боюнча Кыргыз Республикасында жашаган элдердин эне тилдеринде кошумча таратылат) туура келбеген  “AMIN KARAKOL” компаниясынын  «Пластиковые/алюминиевые окна и двери витражи/ролставни перегородки любой сложности и качества» деген жарнамасы аныкталды.

“AMIN KARAKOL” компаниясы, Кыргыз Республикасынын “Жарнама жөнүндө” мыйзамынын талаптарын бузгандыгы үчүн, Бөлүм тарабынан эскертүү кагазы берилип, жыйынтыгында жарнама алып салынып укук бузуу жоюлду.