Таласта көмүр баалары туруктуу, таңкыстык жок.
2023-жылдын 29-30-сентябрь күндөрү Монополияга каршы жөнгө салуу кызматы орун басары Ж.Б. Орозбаев жана Талас облустук бөлүмдүн кызматкерлеринин катышуусу менен Талас шаары, Талас, Бакай-Ата, Айтматов райондорунда мониторинг жүргүздү. Мониторинг учурунда Талас облусунун көмүр рыногунда иш алып барган ишкерлер менен жеринен жолугуп, күз-кыш мезгилине карата жүргүзүлүп жаткан даярдыктар менен таанышып чыкты.
Иш сапардын жүрүшүндө Талас облусу боюнча жалпысынан импорттук “Кара-Жыра” көмүрүнүн баасы 6000 сомдон 9500 сомго чейин, ал эми Талас шаарындагы социалдык отун базасында жергиликтүү көмүр 5600-сомдон сатылып жатканы белгилүү болду. Талас облусунда көмүр отунуна болгон таӊкыстык жок, баалар туруктуу. Андан сырткары Талас шаарынын борбордук базарында социалдык-маанилүү азык-түлүктөрдүн баасына мониторинг жүргүзүлдү.
Таласта бүгүнкү күндө ‘Фрунзе” жана “Глобус” соода түйүндөрүндө жергиликтүү кум шекер 74 сомдон, суу майдын 1 л 99 сомдон сатылууда.
Эт рыногунда эттин баасы 450-490 сомго чейин сатылып жатат. Унга болгон таӊкыстык жок жана баалар туруктуу. Ал эми тандыр нандын баалары 25 – 26 сомдон сатылууда. Бөлкө нандын баалары өзгөргөн жок.